འདི་ལོ་བཀའ་བརྒྱུད་སྨོན་ལམ་སྐབས་ཉེར་བདུན་པའི་དམིགས་བསལ་གྱི་ལས་གཞི་གསར་པ། 　 ཕྱི་ལོ་ 2010 ལོའི་ཕྱི་ལོ་གསར་ཚེས་ཉིན། གངས་ཅན་གྲུབ་པའི་དབང་ཕྱུག་རྗེ་བཙུན་མི་ལ་བཞད་པ་རྡོ་རྗེའི་རྣམ་ཐར་འཁྲབ་སྟོན་ཕྱིར་ཡོངས་ དགེ་གཏེར་སྒར་དགོན་གྱི་ཉེ་འདབས་སུ་འཁྲབ་སྟེགས་དོ་རྭ་གསར་དུ་འཛུགས་སྐྲུན་བྱེད་བཞིན་ཡོད། འཁྲབ་སྟེགས་དོ་རྭ་དེ་བཞིན་སོ་ཕག་གི་ རྩིག་བཞི་བརྟན་པོ་བཏིང་སྟེ་སྡོད་གནས་མཆོད་རྟེན་གྱི་བང་རིམ་ལྟར་ཤིན་ཏུ་རྒྱ་ཆེ་བའི་རང་བཞིན་ལྡན་པ་ཞིག་སྐྲུན་བཞིན་ཡོད། གང་དུ་ འཁྲབ་སྟོན་གྱི་དོ་རྭ་སྐྲུན་པའི་ས་ཁུལ་དེ་ཉིད་བཀའ་བརྒྱུད་སྨོན་ལམ་ཚོགས་པས་ལོ་ཤས་གོང་གསར་དུ་སྤུས་གཟིགས་མཛད་པའི་ས་ཁུལ་ཞིག་ ཡིན་ཅིང༌། དེར་མ་འོངས་པར་བཀའ་བརྒྱུད་སྨོན་ལམ་ཚོགས་མཁན་གྱི་དགེ་འདུན་པ་ལྔ་སྟོང་ཙམ་ཤོང་བའི་བཞུགས་གནས་ཤིག་གསར་ བསྐྲུན་གནང་རྒྱུའི་འཆར་གཞི་ཡོད། 　 འདི་ལོ་དེ་གར་རྗེ་བཙུན་གྱི་རྣམ་ཐར་དད་ལྡན་མང་ཚོགས་རྣམས་ཀྱི་རྒྱུད་དུ་ཐར་པའི་ས་བོན་སྐུན་ཕྱིར་འཁྲབ་སྟོན་གྱི་ལམ་ནས་གཟིགས་ འབུལ་ཞུ་རྒྱུ་ཡིན། འཁྲབ་སྟོན་མཛད་མཁན་ནི་བོད་གཞུང་ཟློས་གར་ཚོགས་པ་བ་རྣམས་ཡིན། ཁོང་རྣམས་ནས་ཕྱི་ལོ་ 2010 ཕྱི་ཟླ་ 01 ཚེས་ 01 ཉིན་འཁྲབ་སྟོན་དབུ་འཛུགས་གནང་རྒྱུ་ཡིན་པ་དང༌། ཁོང་རྣམས་ལ་༧དཔལ་རྒྱལ་དབང་ཀརྨ་པ་མཆོག་ནས་རྗེ་བཙུན་གྱི་རྣམ་ཐར་ གཞིར་བཟུང་འཁྲབ་སྟོན་གྱི་ལམ་སྟོན་སྔ་ཕྱིར་བསྐྱངས་པ་བཞིན་ད་ཆ་ཁོང་རྣམས་བྱང་ཆུབ་པ་བྱུང་ཡོད།