རྒྱལ་བའི་བཀའ་འགྱུར་གདན་ཞུའི་སྦྱོང་བརྡར། 　 དགོང་དྲོ་ཆུ་ཚོད་༧པའི་ཐོག་རྒྱལ་དབང་མཆོག་གཏེར་སྒར་འདུ་ཁང་ཚོམས་ཆེན་དུ་ཞབས་འཁོད་ཀྱིས་བཀའ་བརྒྱུད་སྨོན་ ལམ་གྱི་ཉིན་བདུན་པར་ཞོགས་པ་བཀའ་འགྱུར་རིན་པོ་ཆེ་གདན་ཞུ་དང་ཆབས་ཅིག་དག་སྒྲོགས་ཞུ་རྒྱུ་ཡིན་སྟབས། བཀའ་ བརྒྱུད་དགོན་ཁག་དུ་མ་ནས་ཕེབས་པའི་དགེ་འདུན་པ་ཞལ་གྲངས་བརྒྱ་ཕྲག་ལྷག་ལ་རྒྱལ་བའི་བཀའ་འགྱུར་རིན་པོ་ཆེ་ གདན་ཞུ་ཇི་ལྟར་བྱ་ཚུལ་གྱི་སྔོན་འགྲོའི་ལམ་སྟོན་དང་གོམ་པ་འདོར་ཚུལ། དེ་བཞིན་སྨོན་ལམ་ཉིན་མཐའ་མའི་སྐབས་དགེ་ སློང་རྣམས་བསོད་སྙོམས་རྒྱུ་འབུལ་སྐབས་ཇི་ལྟར་ཕེབས་ཚུལ་དང༌། ཉིན་དེའི་དགོང་དྲོའི་མར་མེའི་སྨོན་ལམ་གྱི་སྐབས་མར་ མེའི་དོད་དུ་བེད་སྤྱད་རྒྱུའི་པདྨའི་དབྱིབས་ཅན་གྱི་སྣང་གསལ་སྒྲོན་མེ་སྤྲར་གསད་ཇི་ལྟར་བྱ་ཚུལ་གྱི་སློབ་སྟོན་དང་གཟིགས་ ཞིབ་ནན་ཏན་བསྐྱངས།