དཔལ་རྒྱལ་དབང་ཀརྨ་པ་མཆོག་ནས་ཕྱི་ལོ་ ༢༠༠༧ ཟླ་ ༡༢ ཚེས་ ༢༦ ཉིན་བསྩལ་བའི་སྨོན་ལམ་

གྱི་ལས་རྟགས་གསར་པའི་མཚོན་དོན།

ད་ལོ་སྨོན་ལམ་གྱི་ལས་རྟགས་གསར་པ་ཞིག་འདུག་པ་དེར་ངས་འགྲེལ་བཤད་ཅིག་རྒྱག་གི་ཡིན། ང་

རང་དུས་རྒྱུན་གྱི་ཚོར་བའི་ནང་ཕྱི་རང་བྱུང་གི་ཁམས་དང་སོ་སོ་སེམས་ཐག་ཉེ་པོ་དང་འབྱུང་བ་བཞི་

ལ་འབྲེལ་པ་ཡོད་བསྡད་པའི་ཚོར་སྣང་ཡོང་གི་འདུག །གཅིག་བྱས་ན་དེ་རྨོངས་དད་འདྲ་ཆགས་ཀྱི་

མེད་འགྲོ་དེ། སྐད་ཆ་བཤད་བསྡད་པ་འདྲ་པོ་གང་ལྟར་དེ་འདྲའི་ཚོར་སྣང་ཞིག་ཡོང་བསྡད་ཀྱི་འདུག།

ཡང་དེ་ཚོར་བ་རེད་གདའ། བཤད་བསྡད་ཀྱི་ཡོད་ཟེར་གྱི་མེད་གདའ།

དངོས་གནས་འཛམ་བུ་གླིང་འདི་ཆགས་པ་ནས་བཟུང་སྟེ་ད་ལྟའི་བར་ང་ཚོས་འཛམ་བུ་གླིང་འདི་བེད་

སྤྱོད་མང་པོ་བཏང་ཡོད་རེད། གཏེར་ནོར་ཟས་སོགས་ཚང་མ་སྟེ་གང་ལྟར་འཛམ་བུ་གླིང་གི་དཔལ་

འབྱོར་གྱི་བརྒྱ་ཆ་དགུ་བཅུ་གོ་དགུ་ཙམ་ཞིག་འཛམ་གླིང་འདིའི་གཏེར་དངོས་ལ་བརྟེན་ནས་ཡོང་

བསྡད་པ་བཤད་ཀྱི་འདུག །

ང་ཚོས་འཛམ་བུ་གླིང་འདི་ཕར་བེད་སྤྱོད་ཟད་མེད་དུ་བཏོང་གི་ཡོད། འཛམ་བུ་གླིང་གིས་ཚུར་ང་ཚོར་

ཕན་པ་དཔག་མེད་སྦྱིན་ཡོད་རེད། ཡིན་ནའང་ང་ཚོས་འཛམ་བུ་གླིང་ལ་ཕར་ག་རེ་བྱས་ཡོད་རེད། ག་

དུས་ཡིན་ནའང་འཛམ་བུ་གླིང་ནས་ཚུར་ཞུ་རྒྱུ་ཞིག་མ་གཏོགས་ཕར་འཛམ་བུ་གླིང་ལ་སྤྲད་རྒྱུ་ཞིག་

བྱས་ཡོད་མ་རེད། ལྷག་པར་དུ་འཛམ་བུ་གླིང་ལ་བྱམས་བརྩེ་དང་སྲུང་སྐྱོབ་ཀྱི་བསམ་པ་གང་མེད་པར་

བྱས་ཏེ་ཤིང་ཡོད་ཚད་དང་མགོ་འབུར་ཚད་ཚང་མ་ཕར་བཅད། ས་ཆ་ལྷེབ་ཙམ་ཞིག་འདུག་ན་དེའི་

སྒང་ལ་རྩོད་པ་བྱས་ནས་དེའི་དོན་དུ་དུས་ད་ལྟའི་བར་དུ་འཐབ་རྩོད་ཀྱི་འཁོར་ལོ་བསྐོར་ནས་བསྡད་

པ་ཡིན་པ་རེད། དེ་འདྲ་ཡིན་དུས་ང་ཚོས་འཛམ་བུ་གླིང་ལ་ཕར་བྱས་བཞག་པ་དེ་ཞེད་དྲག་མེད་པ་

རེད།

ད་ལྟ་འཛམ་བུ་གླིང་གིས་ང་ཚོར་ཚུར་གདོང་པ་ནག་པོ་བསྟན་པའི་དུས་ཚོད་ཅིག་ལ་སླེབ་བསྡད་འདུག།

འཛམ་བུ་གླིང་གིས་ང་ཚོ་བློས་བཏང་ཡག་གི་དུས་ཚོད་ཅིག་ལ་སླེབ་ཡོང་གི་ཡོད་རེད། འཛམ་བུ་གླིང་

གིས་ང་ཚོར་སྡུག་པོ་གཏོང་གྲབ་བྱེད་ཀྱི་ཡོད་རེད། གལ་སྲིད་བློས་བཏང་བ་ཡིན་ན་ང་ཚོ་ག་པར་འཚོ་

དགོས་རེད། འཚོ་བའི་གནས་གཟའ་སྐར་གཞན་དག་གི་སྐད་ཆ་བཤད་ཀྱི་ཡོད་རེད་དེ། ཡིན་ནའང་།

དེར་ཕྱུག་པོ་ཁ་ཤས་ཤིག་འགྲོ་ཐུབ་ཀྱི་ཡོད་ན་མ་གཏོགས། ང་ཚོ་སེམས་ཅན་ཐམས་ཅད་དེའི་ནང་ན་

འགྲོ་ཐུབ་ཀྱི་ཡོད་མེད་གང་ཤེས། དེ་འདྲའི་ཛ་དྲག་པོའི་གནས་ཚུལ་ཞིག་ཆགས་བསྡད་ཀྱི་ཡོད་དུས།

ད་གང་བྱེད་དགོས་རེད་ཟེར་ན། འཛམ་གླིང་འདིའི་བཅུད་ཀྱི་སེམས་ཅན་དང་སྣོད་ཀྱི་འཇིག་རྟེན་

རང་བྱུང་ཁམས་གཉིས་པོ་དེ་ཕན་ཚུན་ལག་གདང་གཅིག་ཏུ་སྒྲིལ་ནས། ཁོ་རང་གཉིས་གཅིག་གིས་

གཅིག་བློས་མི་གཏོང་བ་སྟེ། འཛམ་བུ་གླིང་གིས་སེམས་ཅན་བློས་མི་གཏོང་བ། སེམས་ཅན་གྱིས་འཛམ་

བུ་གླིང་བློས་མི་གཏོང་བ་ལག་པ་གཅིག་གིས་གཅིག་ལ་སྒྲིལ་ཐུབ་པ་ཞིག་དགོས་ཀྱི་ཡོད་རེད། བྱས་ཙང་

འདི་ལག་པ་གཅིག་གིས་གཅིག་ལ་སྒྲིལ་བསྡད་པ་འདྲ་པོ་ཞིག་མི་འདུག་གམ།

དེ་འདྲ་ཡིན་དུས་འཛམ་བུ་གླིང་གིས་ཀྱང་ང་ཚོ་བློས་མི་གཏོང་བ། ང་ཚོས་ཀྱང་འཛམ་བུ་གླིང་བློས་མི་

གཏོང་བ་མཚོན་བྱེད་ཀྱི་ཆེད་དུ་གཅིག་གྱིས། ཡང་ཆོས་ཕྱོགས་ནས་བསམ་མནོ་བཏང་ན་ཐབས་ཤེས་

རབ་སོགས་མང་པོ་བཤད་རྒྱུ་འདུག་སྟེ་དེ་ཚོ་སྔོན་ལ་ཕར་དབྱུག་ཤོག །

འདིའི་དབྱིབས་འདི་དུས་རྒྱུན་ཀམ་ཚང་ནང་རྒྱལ་དབང་ཀརྨ་པ་སྐུ་གོང་མས་མཛད་བཞག་པའི་ཞི་

བསིལ་རྒྱལ་དར་ཡང་ཟེར། གཟིམ་ལམ་དར་ཆ་ཡང་ཟེར་བའི་རི་མོ་དང་འདྲ་པོ་ཡོད་རེད། གང་ཡིན་

ཟེར་ན། ཚང་མ་ངའི་བསམ་བློ་རྐྱང་རྐྱང་གིས་བྱས་བཞག་ན་བྱིན་རླབས་གང་ཨེ་ཡོད་ན་བསམ་གྱིན་

འདུག །སྐུ་གོང་མས་མཛད་བཞག་པ་ཞིག་ལ་དཔེ་བླང་བ་ཡིན་ན་བྱིན་རླབས་ཤིག་མེད་འགྲོ་བསམས་

ནས་བཟོས་པ་རེད།

འདི་བཀའ་བརྒྱུད་སྨོན་ལམ་གྱི་མཚོན་བྱེད་རེད། བཀའ་བརྒྱུད་སྨོན་ལམ་དེ་ང་ཚོས་འཛམ་བུ་གླིང་

གི་ཆེད་དུ་འཚོགས་ཀྱི་ཡོད། འཛམ་བུ་གླིང་ང་ཚོས་བློས་གཏོང་གི་མིན། འཛམ་བུ་གླིང་ཞི་བདེ་ཡོང་

བར་ཤོག །འཛམ་བུ་གླིང་ཡུན་རིང་དུ་གནས་པར་ཤོག །འཛམ་བུ་གླིང་ཁྲི་ལོར་བརྟན་པ་ཤོག་ཟེར་

ནས་བཀའ་བརྒྱུད་སྨོན་ལམ་ཐོག་སྨོན་ལམ་རྒྱག་གི་ཡོད་དུས་བཀའ་བརྒྱུད་སྨོན་ལམ་གྱི་ལས་རྟགས་

ཆགས་ཀྱི་ཡོད་རེད་ལ། ང་རང་ཚོ་འཛམ་བུ་གླིང་ལ་དགའ་ཞེན་ཡོད་པ། སྲུང་སྐྱོབ་ཀྱི་བསམ་བློ་ཡོད་

པ་ཚོའི་ལས་རྟགས་ཀྱང་ཆགས་ཀྱི་མེད་འགྲོ་བསམ་གྱི་འདུག །

ཡང་ཧམ་པ་ཆེ་ཙམ་བཤད་པ་ཡིན་ན། ངས་ད་གིན་ཞུས་པ་ནང་བཞིན་འདིའི་ལས་རྟགས་དེ་བཟོ་

བ་པོ་ང་རེད། ང་དང་ཕྱི་རང་བྱུང་ཁམས་ཀྱི་འབྱུང་བ་དེ་ཚོ་འབྲེལ་བ་ཟབ་མོ་ཡོད་པའི་ཚོར་བ་ཤུགས་

ཆེན་པོ་ཡོང་བསྡད་ཀྱི་འདུག །འཕྲུལ་ཆས་ཀྱི་ཅ་ལག་དེ་ཚོ་ང་ལ་ཞེད་དྲག་འཕྲོད་པོ་ཡོད་པ་མ་རེད།

བཅོས་མ་མ་ཡིན་པ་རང་བཞིན་གྱི་ཅ་ལག་དེ་ཚོ་མ་གཏོགས་འཕྲུལ་ཆས་ཀྱི་ཅ་ལག་དེ་ཚོ་སླེབ་ཡོང་

དུས་ལུས་པོ་བདེ་པོ་མེད་པའི་བཟོ་འདྲ་ཆགས་ཀྱི་འདུག །ཡིན་ནའང་བེད་སྤྱོད་མ་གཏོང་ཀ་མེད་རེད།

གང་ལྟར་ང་རང་གི་ལུས་སེམས་གཉིས་པོ་དེ་རང་བཞིན་གྱི་བཅོས་མ་མ་ཡིན་པ་རང་བྱུང་གི་ཁམས་

དང་འབྲེལ་པ་ཆེན་པོ་ཡོད་པ་ཞིག་ཆགས་བསྡད་ཡོད་ས་རེད། དེས་བཟོས་པའི་ཅ་ལག་ཅིག་ཡིན་དུས་

ཁྱེད་རང་ཚོ་ཡིན་ནའང་ཕྱི་རང་བྱུང་གི་ཁམས་འབྱུང་བ་རྣམས་དང་འབྲེལ་པ་ཆེན་པོ་ཆགས་ཏེ་

འབྱུང་བའི་འཇིགས་པ་དེ་འདྲ་སེལ་ཐུབ་པ་ཡིན་འགྲོ་བསམ། ཧམ་པ་ཆེ་ཙམ་བཤད་ན་དེ་འདྲ་རེད་

གདའ།

ཡང་འདི་ཁེར་རུ་བཏགས་རྒྱུ་ཡོད། ཕྱི་འབྱུང་བའི་འཇིགས་པ་སེལ་འགྲོ་ཡོད་བསམ་ནས་མེའི་ནང་

དང་ཆུའི་ནང་ལ་མ་འཆོང་མ་གཏོགས་ཤི་གི་རེད་གདའ། ཡིན་ནའང་འདི་གཙོ་བོ་འཛམ་བུ་གླིང་

ང་ཚོས་བློས་མ་གཏོང་བའི་མཚོན་བྱེད་ཅིག་ཆགས་བསྡད་ཡོད། དེ་འདྲ་ཡིན་དུས་མཚོན་བྱེད་ཀྱི་

རྟགས་དེ་དེ་འདྲ་ཞིག་ཡིན། ཐུགས་ཆེ་གནང་།