ཕྱི་ལོ་ ༢༠༢༠ ཟླ་བ་ ༢ ཚེས་ ༢ ཉིན་སྔ་དྲོ་དུས་ཚོད་དྲུག་པའི་ཐོག་༸སྐྱབས་མགོན་རྒྱལ་བའི་རྒྱལ་ཚབ་མཆོག་བཀའ་བརྒྱུད་སྨོན་ལམ་ཆོས་རར་ཆིབས་སྒྱུར་བསྐྱངས་ཏེ་རྒྱ་བལ་འབྲུག་གསུམ་ནས་ཕེབས་པའི་དགེ་བཙུན་ཕོ་མོ་བཞི་སྟོང་ལ་ཉེ་བ་དང་། ཕྱི་ནང་ཡུལ་གྲུ་ཁག་ནས་ཕེབས་པའི་དད་ལྡན་སྐྱ་སེར་ཕོ་མོ་ཉིས་སྟོང་བཅས་ཡོངས་བསྡོམས་ཚོགས་ཞུགས་པ་དྲུག་སྟོང་ལ་ཉེ་བར་སྨོན་ལམ་ཐེངས་སོ་བདུན་པའི་ཉིན་དང་པོར་མགོན་པོ་མཆོག་ནས་ཐེག་ཆེན་གསོ་སྦྱོང་གི་སྡོམ་པ་སྩལ།

དེ་ཉིན་སྔ་དྲོའི་ཆར་གནམ་གཤིས་ཆེས་གྲང་ཡང་རིམ་གྱིས་དབང་ཕྱོགས་ཤར་རིའི་སྤོ་ནས་སྣང་བྱེད་ཀྱི་དཀྱིལ་འཁོར་ལྷམ་མེར་འཆར་བས་གྲང་རེག་གི་གདུང་བ་ལས་རབ་ཏུ་ཞི།

༡) སྨོན་ལམ་ཉིན་དང་པོར་དགེ་བཙུན་ཡོངས་དང་དད་ལྡན་ཁྱིམ་པ་ཕོ་མོ་ཀུན་ནས་ཐེག་ཆེག་ཆེན་གསོ་སྦྱོང་གི་སྡོམ་པ་ནོད་ཕྱིར་བཀའ་བརྒྱུད་སྨོན་ལམ་གྱི་ཆོས་རར་འདུས་ཏེ་ཕྱག་འབུལ་བའི་སྟ་གོན་བགྱིད་བཞིན་པ།

 

༢) ༸སྐྱབས་རྗེ་རྒྱལ་ཚབ་རིན་པོ་ཆེ་མཆོག་ནས་འདུས་པ་ཡོངས་ལ་གསོ་སྦྱོང་གི་སྡོམ་པ་སྩལ་བཞིན་པ།

 

༣) གསོ་སྦྱོང་གི་སྡོམ་པ་ནོད་སྐབས་པུས་མོ་གཡས་པའི་ལྷ་ང་སར་བཙུགས་ཏེ་དད་གུས་ཆེན་པོས་མགོན་པོ་མཆོག་གི་གསུང་གི་རྗེས་ཟློས་བྱེད་བཞིན་པ།

 

༤) དེ་མཇུག་༸སྐྱབས་རྗེ་རྒྱལ་ཚབ་རིན་པོ་ཆེ་མཆོག་ཐུབ་པའི་སྣང་བརྙན་གྱི་ཕྱོགས་སུ་ཞལ་བསྒྱུར་ཏེ་བཀའ་བརྒྱུད་སྨོན་ལམ་ཐེངས་སོ་བདུན་པའི་ཚོགས་ཀྱི་དབུ་བཞུགས་བསྐྱངས་སྐབས་ཟླ་གམ་མནབས་ཏེ་བཞུགས་པའི་སྐུ་པར།

 

༥) སྟོན་པའི་སྐུ་བརྙན་གྱི་ཞབས་སུ་སྨོན་ལམ་ཡན་ལག་ཉི་ཤུ་པའི་ཕྱིར་བཤམས་པའི་དམིགས་བསལ་མཆོད་གཤོམ་གྱི་བརྙན་པར།

 

༦) མཆོད་གཤོམ་དེའི་ནང་རིན་ཆེན་དང་པོའི་མདོག་ལྡན་སྟོན་པ་སྐུ་བྱིས་པའི་སྐབས་ཀྱི་སྣང་བརྙན་བཞེངས་སྟབས་སུ་བཞུགས་པར་སྨོན་ལམ་ཡན་ལག་ཉི་ཤུ་པའི་འདོན་བྱ་བཞིན་རྒྱུན་དུ་ཁྲུས་གསོལ་དང་ན་བཟའ་སྒྲོན་འབུལ་ཞུ་བཞིན་པ།

 

༧) མཆོད་དཔོན་འོད་གསལ་སྙིང་པོ་ལགས་ནས་ཡན་ལག་ཉི་ཤུ་པའི་འདོན་བྱ་ལྟར་ཁྲུས་གསོལ་སོགས་བགྱིད་བཞིན་པ།

 

༨) ཡན་ལག་ཉི་ཤུ་པའི་ནང་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་སྤྱན་འདྲེན་སྐབས་རིན་པོ་ཆེ་རྣམ་པ་ཞྭ་ཁྲ་མནབས་པའི་སྐུ་པར།

 

༩) ཞལ་འདོན་གསུང་སྐབས་བྱང་འདྲེན་བཞི་ནས་འདོན་པ་དབུ་འཛུགས་བགྱིས་ཏེ། དེ་ཡང་རབ་བྱུང་གི་དབུ་མཛད་གཉིས་དང་། བཙུན་མའི་དབུ་མཛད་གཉིས་ཏེ། འདི་ལོ་བཙུན་མས་དབུ་མཛད་བགྱིས་པ་ཐེངས་གསུམ་པ་དེ་ཡིན།

 

༡༠) འདི་ལོ་བཀའ་བརྒྱུད་སྨོན་ལམ་ལ་སྤྲུལ་པའི་སྐུ་ཉི་ཤུ་རྩ་ལྔ་ཕེབས་འདུག

 

༡༡) སྨོན་ལམ་དུ་མཁན་པོ་དྲག་ཅུ་རྩ་ལྔ་ཙམ་ཚོགས་ཞུགས་མཛད་ཡོད།

 

༡༢) འདི་ལོ་བཀའ་བརྒྱུད་སྨོན་ལམ་ལ་བཀའ་བརྒྱུད་དགོན་ཁག་ལྔ་བཅུ་ང་བདུན་ནས་གྲྭ་བཙུན་ཞལ་གྲངས་སུམ་སྟོང་དྲུག་བརྒྱ་བཅུ་མེད་དགུས་ཚོགས་ཞུགས་མཛད་འདུག

 

༡༣) ཚོགས་ཞུགས་པ་དེ་དག་ཁྲོད་དགེ་སློང་སུམ་བརྒྱ་གྱ་གཅིག་འདུག་ཅིང་། ཁོང་རྣམས་སྐས་རིམ་གྱི་གྲལ་གཡས་གཡོན་དུ་བཞུགས་ཤིང་། ཀུན་གྱིས་རྩེ་ཞྭ་མནབས་ཏེ་བཞུགས་འདུག །

 

 ༡༤) སྨོན་ལམ་ཚོགས་ཞུགས་སུ་བཙུན་མ་ཞལ་གྲངས་སུམ་བརྒྱ་དགུ་བཅུ་ཕེབས་ཡོད།

 

༡༥) ཕྱི་རྒྱལ་ཡུལ་གྲུ་དུ་མ་ནས་ཆོས་ཚོགས་ཀྱི་ཚོགས་མི་ཡང་དུ་མ་ཕེབས་ཡོད།

 

༡༦)  ཧི་མཱ་ལ་ཡའི་རི་རྒྱུད་ནས་སྨོན་ལམ་ཚོགས་ཞུགས་པ་བརྒྱད་བརྒྱ་ཙམ་ཕེབས་འདུག

 

 ༡༧) ཕྱི་རྒྱལ་ཡུལ་གྲུ་ཁག་ནས་དད་ལྡན་ཚོགས་ཞུགས་པ་ཆིག་སྟོང་ཆིག་བརྒྱ་ཙམ་ཕེབས་འདུག །

 

 ༡༨) ཚོགས་ཞུགས་རྣམས་ལ་ཞོགས་ཟས་ཕྱིར་བཞེས་བག་སོས་པ་འབུལ་བཞིན་པ།

 

༡༩) ཚོགས་ཞུགས་ཀུན་ལ་བོད་ལུགས་གསོལ་ཇ་འདེགས་བཞིན་པ།

 

Right-Column-Pics25.jpg

བཀའ་བརྒྱུད་སྨོན་ལམ་ཆེན་མོ་ཐེངས་སོ་དྲུག་པ།

Tibetan / English / Chinese •  FrenchGerman • IndonesianKorean • PolishRussianSpanish  • Vietnamese 

སྨོན་ལམ་གསུང་ཆོས།

བློ་སྦྱོང་དོན་བདུན་མའི་བཀའ་ཁྲིད། གོ་ཤྲི་རྒྱལ་ཚབ་རིན་པོ་ཆེ།
ཕྱི་ཟླ་ 1 ཚེས་ 28 ནས་ 30 བར། 2020 ལོ་