བཀའ་བརྒྱུད་སྨོན་ལམ་སྐབས་སོ་བཞི་པའི་གཏོར་མའི་སྐོར།

དེ་ཡང་དཔལ་༸རྒྱལ་དབང་ཀརྨ་མཆོག་གིས་བཀའ་བརྒྱུད་སྨོན་ལམ་གྱི་ཐུགས་འགན་ཐོག་མར་བཞེས་སྐབས། རང་རེ་སྒྲུབབརྒྱུད་པ་ཀུན་གྱི་མེས་པོ་རྗེ་མར་མི་དྭགས་གསུམ་གྱི་སྣང་བརྙན་གཏོར་མའི་གཟུགས་སུ་ཐོག་མར་བཞེངས་སྐྲུན་མཛད་པ་ནས་བཟུང་ལོ་རེ་བཞིན་བཀའ་བརྒྱུད་སྨོན་ལམ་སོ་སོར་བསྟན་འགྲོར་མཛད་རྗེས་ཆེས་ཆེ་བའི་གངས་ལྗོངས་སྐྱེས་ཆེན་རྣམས་ཀྱི་སྐུ་བརྙན་དང་ཡི་དམ་ཆོས་སྲུང་ཁག་གི་སྐུ་བརྙན་གཏོར་མའི་ནང་བཞེངས་པའི་ལམ་སྲོལ་གསར་གཏོད་མཛད་པའི་རྒྱུན་མུ་མཐུད་ད་བར་སྐྱོང་བ་ལྟར། འདི་ལོ་ཡང་གཏོོར་མ་ཆེ་ཆུང་འཚམས་པ་བཞི་བཞི་ཕྱོགས་ཕན་ཚུན་དུ་སྒྲིག་སྟེ་དེ་དག་གི་སྟེང་ཀརྨ་པ་སྐུ་རབས་བརྒྱད་ཀྱི་སྣང་བརྙན་བཅས་ཡོད། དེ་ལྟར་བཅའ་བའི་དགོས་དོན་ནི། འདི་ལོ་གསུང་ཆོས་ཀྱང་ཕྱག་ཆེན་ངེས་དོན་སྒྲོན་མེ་ལས་བླ་མའི་རྣལ་འབྱོར་གྱི་བཀའ་ཁྲིད་སྩལ་པ་དང་། དེ་བཞིན་རྗེ་བརྒྱད་པ་མི་བསྐྱོད་རྡོ་རྗེས་མཛད་པའི་ཐུན་བཞི་བླ་མའི་བཀའ་ཁྲིད་ཀྱང་ཆབས་ཅིག་ཏུ་སྩལ་བར་བརྟེན། དེ་དང་འབྲེལ་མཚུངས་པ་ཙམ་མ་ཟད་ཐུན་བཞི་བླ་མའི་རྣལ་འབྱོར་གྱི་གསོལ་འདེབས་འདོན་སྐབས་གསོལ་བ་འདེབས་ཡུལ་ཀརྨ་པ་སྐུ་རབས་བརྒྱད་པོ་རྣམས་གཙོ་བོ་ཡིན། དེས་ན་གསུང་ཆོས་དང་གཏོར་མའི་དབར་ཕན་ཚུན་འབྲེལ་བ་མཚོན་ཞིང་། དེ་བཞིན་ཞབས་སུ་རྒྱ་གར་གྱི་ལྷ་བཞི་དང་། བོད་ཀྱི་གཉན་ཆེན་པོ་བཞིའི་འདྲ་བརྙན་བཅོས་ཡོད། དེ་ཡང་རྒྱ་གར་གྱི་ལྷ་བཞི་ནི་རྒྱལ་ཆེན་སྡེ་བཞི་སྟེ། ཤར་ཕྱོགས་སུ་ཡུལ་འཁོར་སྲུང་། ལྷོར་འཕགས་སྐྱེས་པོ། ནུབ་ཏུ་སྤྱན་མི་བཟང་། བྱང་དུ་རྣམ་ཐོས་སྲས་ཏེ་བཞིའི་འདྲ་བརྙན་དང་། སྤྱིར་བོད་དུ་ས་བདག་ཀླུ་གཉན་ས་ཡ་དུ་མར་མཆིས་པ་ལས། དེ་དག་གི་ཁྲོད་ལས་ཆེས་བཀའ་གཉན་པ་གཉན་ཆེན་པོ་བཞི་སྟེ། ཤར་ཕྱོགས་ཀྱི་གཉན་ཆེན་པོ་རྨ་རྒྱལ་སྤོམ་ར། ལྷོ་ཡི་དམག་དཔོན་གཡུལ་རྒྱལ། ནུབ་ཀྱི་གཉན་ཆེན་ཐང་ལྷ། བྱང་གི་སྒྱོགས་ཆེན་གདོང་རལ་ཏེ་བོད་ཀྱི་གཉན་ཆེན་པོ་བཞིའི་འདྲ་བརྙན་ཡང་བཅོས་ཡོད། བསྟན་འཛིན་རྣམ་རྒྱལ་ནས།

Right-Column-Pics27.jpg

བཀའ་བརྒྱུད་སྨོན་ལམ་ཆེན་མོ་ཐེངས་སོ་དྲུག་པ།

Tibetan / English / Chinese •  FrenchGerman • IndonesianKorean • PolishRussianSpanish  • Vietnamese 

སྨོན་ལམ་གསུང་ཆོས།

བློ་སྦྱོང་དོན་བདུན་མའི་བཀའ་ཁྲིད། གོ་ཤྲི་རྒྱལ་ཚབ་རིན་པོ་ཆེ།
ཕྱི་ཟླ་ 1 ཚེས་ 28 ནས་ 30 བར། 2020 ལོ་