བཀའ་བརྒྱུད་སྨོན་ལམ་ཐེངས་སོ་དྲུག་པའི་སྔ་དྲོའི་གསོ་སྦྱོང་དང་། བྱོན་ལེགས་རྒྱལ་སྒོའི་སྐོར།

ཀ) ཕྱི་ལོ་ ༢༠༡༩ ཟླ་ ༡ ཚེས་ ༡༤ ཉིན་སྔ་དྲོ་འཁོར་ལོའི་དུས་ཚོད་དྲུག་པའི་ཐོག་སྒྲུབ་བརྒྱུད་བསྟན་པའི་གསལ་ བྱེད་༸སྐྱབས་རྗེ་རྒྱལ་ཚབ་རིན་པོ་ཆེ་མཆོག་བཞུགས་གནས་གཏེར་སྒར་དགོན་ནས་དུང་རྒྱ་སྤོས་སྣེས་སྤྱན་འདྲེན་གྱིས་ སྨོན་ལམ་ཆོས་རར་ཞབས་པད་གསེར་གྱི་རེ་ཁཱ་མངོན་པར་བཀོད་དེ་བཞུགས་ཁྲིར་འཁོད་རྟིང་། ༸སྐྱབས་རྗེ་མི་འགྱུར་ རིན་པོ་ཆེ་དང་། མཁན་པོ་བློ་གྲོས་དོན་ཡོད་རིན་པོ་ཆེ། དེ་བཞིན་རི་མགུལ་རིན་པོ་ཆེས་དབུས་བླ་སྤྲུལ་མཁན་སློབ་ དགེ་འདུན་འདུས་པ་རྒྱ་མཚོ་དང་། ཚོགས་ཞུགས་ཁྱིམ་པ་ཕོ་མོ་ཀུན་ལ་ཐེག་ཆེན་གསོ་སྦྱོང་གི་སྡོམ་པ་འབོགས་པར་ མཛད། དེ་ཡང་གསོ་སྦྱོང་ཞེས་པ་ནི་དགེ་བ་གསོ་ཞིང་སྡིག་པ་སྦྱོང་བའི་དོན་སྟེ། ཇི་སྐད་དུ། སྡིག་པ་གསོ་ཞིང་དགེ་བ་ སྦྱོང་བ་སྟེ། དེ་ཕྱིར་གསོ་སྦྱོང་ཞེས་ནི་མཚན་གསོལ་ཏོ། ཞེས་གསུངས་པ་ལྟར་ཡིན་ཅིང་། གསོ་སྦྱོང་གི་སྡོམ་པ་མནོས་ རྗེས་བསྙེན་གནས་ཉིན་ཞག་ཅིག་གི་སྡོམ་པ་ལྟར་གསོ་སྦྱོང་གི་སྡོམ་པ་ཉིན་ལྟར་ཐོབ་རིམ་བཞིན་སྐྱ་སེར་ཕོ་མོ་ཀུན་ནས་ཕྱི་དྲོའི་ཁ་ཟས་སོགས་སྤང་བྱ་རྣམས་ངེས་པར་སྤོང་དགོས་པ་ཙམ་མ་ཟད། སྤང་བླང་གི་གནས་ལ་དྲན་ཤེས་བག་ཡོད་ ཚུལ་བཞིན་བསྟེན་དགོས་པ་ཤིན་ཏུ་གཅེས།

ཁ) བཀའ་བརྒྱུད་སྨོན་ལམ་སྐབས་སོ་དྲུག་པའི་བྱོན་ལེགས་ཀྱི་རྒྱལ་སྒོའི་སྐོར།

འདི་ལོ་བཀའ་བརྒྱུད་སྨོན་ལམ་སྐབས་སོ་དྲུག་པའི་བྱོན་ལེགས་ཀྱི་རྒྱལ་སྒོ་ནི་སྔར་རྒྱུན་ལྟར་སྤྲོས་པ་མི་ཆེ་ཞིང་ཀུན་གྱི་ཡིད་དུ་འཐད་པའི་ཁུ་བསྡུས་ཤིག་བསྐྲུན་ཏེ། དེ་ཡང་བྱོན་པ་ལེགས་ཞེས་པའི་ཡིག་འབྲུའི་ཀླད་དུ་རི་དྭགས་ཆོས་འཁོར་གྱི་ལས་རྟགས་འདིས་སྤངས་རྟོགས་ མཐར་ཕྱིན་པའི་བདག་ཉིད་མཉམ་མེད་ཤཱཀྱ་སེངྒེས་སྐལ་ལྡན་གྱི་གདུལ་བྱ་དག་ལ་ཆོས་འཁོར་བསྐོར་བའི་སྐབས་འདབས་སུ་རི་དྭགས་རུ་རུ་ཁྱོ་ཤུག་གཉིས་ཀྱང་དམ་པའི་ཆོས་ཀྱི་སྒྲ་ལ་རབ་ཏུ་སྙན་པའི་ཚོར་བས་སྤྱོད་ལམ་དུལ་བའི་ཚུལ་གྱིས་རབ་ཏུ་གུས་ཤིང་ཉན་པའི་རང་བཞིན་མཚོན་པ་ལྟར་ཆོས་བྱེད་ཀྱི་བསྟི་གནས་གཙུག་ལག་ཁང་སོགས་རྟེན་དང་བརྟེན་པ་ཡོངས་ཀྱི་ཀླད་དུ་འཛུགས་སྲོལ་ཡོད། དེ་བཞིན་རྒྱལ་སྒོའི་ཀླད་དུ་ཤོག་པར་ཁ་དོག་ལྔ་ལྡན་གྱི་དར་ལྕེའི་གཟུགས་སུ་བཅངས་པའི་དབུས་སུ་སྒྲིབ་སྦྱོང་གི་གཟུངས་སྔགས་ཨོཾཔདྨོཥྞཱིཤབིམལེཧཱུྃཕཊ །ཞེས་པའི་གཟུངས་སྔགས་འདི་ཉིད་ཀྱི་འོག་ཏུ་ལན་གཅིག་འཛུལ་བས་བསྐལ་པ་སྟོང་དུ་བསགས་པའི་སྡིག་སྒྲིབ་མ་ལུས་དག་པར་ས་སྙིང་འཁོར་ལོ་བཅུ་པའི་མདོ་ལས་གསུངས་པའི་དགོས་པ་ཁྱད་པར་ཅན་ལ་དགོངས་ཏེ་རྒྱལ་སྒོ་འདིའི་འོག་ཏུ་ཞུགས་ཏེ་བཀའ་བརྒྱུད་སྨོན་ལམ་ལ་ཕེབས་མི་ཡོངས་ཚེ་རབས་ཐོག་མེད་ནས་ཉོན་མོངས་པ་དུག་གསུམ་གྱི་སྒོ་ནས་བསགས་པའི་ལས་ངན་གྱི་སྡིག་སྒྲིབ་ཅི་མཆིས་པ་རྨེག་མེད་དུ་འཇོམས་ཤིང་སྒྲིབ་སྦྱོང་གི་གཉེན་པོ་མཆོག་ཏུ་གྱུར་ཕྱིར་ཆེད་གཉེར་གྱིས་དཔྱངས་པ་ཞིག་ཡིན་པས་ཀུན་གྱིས་ཐུགས་སུ་ཆུབ་པར་བྱ་རྒྱུ་ཤིན་ཏུ་འགངས་ཆེ། དེ་བཞིན་ཀ་ཟུར་གཡས་གཡོན་གྱི་རྒྱབ་མདུན་གཉིས་སུ་རྒྱལ་ཆེན་བཞིའི་སྣང་བརྙན་ཏེ། ཤར་དུ་ཡུལ་འཁོར་སྲུང་། ལྷོར་འཕགས་སྐྱེས་པོ། ནུབ་ཏུ་སྤྱན་མི་བཟང་། བྱང་དུ་རྣམ་ཐོས་སྲས་རྣམས་ནི་ཕྱོགས་སྐྱོང་ཆེན་པོ་བཞི་སྟེ་མི་བསྲུན་ ཡིད་སྲུབས་རྒྱུད་ཀྱིས་བརླམས་པའི་ཆོས་མིན་ ནག་པོའི་སྡེར་གཏོགས་མཐའ་དག་རྒྱལ་སྒོའི་ནང་དུ་མི་གཏོང་བའི་ བརྡར་ཆེད་དུ་རྟེན་འབྲེལ་གྱི་ཚུལ་དུ་འགོད་པར་མཚོན། བསྟན་འཛིན་རྣམ་རྒྱལ་ནས།

20190114AM_Monlam Day 1

Right-Column-Pics27.jpg

བཀའ་བརྒྱུད་སྨོན་ལམ་ཆེན་མོ་ཐེངས་སོ་དྲུག་པ།

Tibetan / English / Chinese •  FrenchGerman • IndonesianKorean • PolishRussianSpanish  • Vietnamese 

སྨོན་ལམ་གསུང་ཆོས།

བློ་སྦྱོང་དོན་བདུན་མའི་བཀའ་ཁྲིད། གོ་ཤྲི་རྒྱལ་ཚབ་རིན་པོ་ཆེ།
ཕྱི་ཟླ་ 1 ཚེས་ 28 ནས་ 30 བར། 2020 ལོ་