སྤྱོད་ལམ་རྒྱུགས་བཞེས།

 

ཕྱི་ལོ་ ༢༠༢༠ ཟླ་བ་ ༡ པའི་ཚེས་ ༢༨ ནས་ ༣༠ བར་ཉིན་གསུམ་རིང་། ཕྱི་དྲོ་དུས་ཚོད་བདུན་དང་ཕྱེད་ཐོག་ཡོངས་དགེ་གཏེར་སྒར་དགོན་གྱི་འདུ་ཁང་ནང་སྔ་ལོ་བཞིན་བཀའ་བརྒྱུད་སྨོན་ལམ་ཐེངས་སོ་བདུན་པའི་སྐབས་ཕེབས་པའི་རྒྱ་བལ་འབྲུག་གསུམ་གྱི་དགེ་བཙུན་རྣམས་ཀྱི་སྔོན་འགྲོའི་སྤྱོད་ལམ་རྒྱུགས་བཞེས་སླད། གཟུ་དཔང་མཛད་པོ་གདན་ས་རུམ་བཏེག་བཤད་གྲྭའི་མཁན་པོ་ཀར་བསྟན་དང་། གདན་ས་དཔལ་སྤུངས་ཤེས་རབ་གླིང་གི་མཁན་པོ་ཐུབ་བསྟན་ཀརྨ། གདན་ས་རིག་པའི་རྡོ་རྗེའི་གཙུག་ལག་སློབ་གཉེར་ཁང་གི་མཁན་པོ་ནོར་བུ་རྒྱལ་མཚན། བན་ཆེན་དགོན་གྱི་མཁན་པོ་བསོད་ནམས་འགྱུར་མེད། ཁྲ་འགུ་དགོན་གྱི་མཁན་པོ་ཆོས་རྒྱལ། ཟུར་མང་གི་རྡོ་རྗེ་སློབ་དཔོན་མཁྱེན་རབ་བཅས་རྣམ་པ་དྲུག་གི་གཟིགས་སྐྱོང་འོག་རྒྱན་བབས་ཀྱི་རིམ་པ་བཞིན་ཐོག་མར། འབྲུག་ཉི་ཟླའི་རབ་བརྟན་གླིང་། ཁྲ་འགུ་བཙུན་དགོན། ཏི་ལོ་པུར་ཀརྨ་སྒྲུབ་བརྒྱུད་དར་རྒྱས་གླིང་། སྐྱེ་དགུའི་བདག་མོ་ཆོས་གླིང་། རིག་པའི་རྡོ་རྗེ་གཙུག་ལག་སློབ་གཉེར་ཁང་། ཀརྨ་བསམ་གཏན་གླིང་བཙུན་དགོན། ལེགས་བཤད་གླིང་། བསམ་གྲུབ་དར་རྒྱས་གླིང་། དཔལ་ངེས་དགོན། ཟུར་མང་བཤད་སྒྲུབ་ཆོས་འཁོར་གླིང་། འབྲུག་དཔལ་མོ་ཆོས་ཀྱི་ལྡིང་ཁང་། སྒྲོལ་མ་ལེགས་བཤད་འདོད་དགུ་གླིང་། དཔལ་སྤུངས་ཤེས་རབ་གླིང་། ཐེག་ཆེན་ལེགས་བཤད་གླིང་། བན་ཆེན་དགོན། ཁྲ་འགུ་བཀྲ་ཤིས་ཆོས་གླིང་། ར་ལང་དཔལ་ཆེན་ཆོས་གླིང་། དིལ་ཡག་དགོན་། རུམ་བཏེག་བཤད་སྒྲུབ་ཆོས་འཁོར་གླིང་། གནས་མདོ་དགོན། གཏེར་སྒར་འོད་གསལ་གླིང་། དཔལ་སྤུངས་ཡེ་ཤེས་རབ་ རྒྱས་གླིང་། མི་རིགས་འབོ་དཀར་ངེས་དོན་ཆོས་འཁོར་གླིང་། བཅས་འདི་ལོར་སྤྱོད་ལམ་རྒྱུགས་བཞེས་ལ་ཕེབས་མཁན་དགོན་སྡེ་ཁག་ ཉི་ཤུ་རྩ་བཞི་པོ་རྣམས་མཚན་མོ་དུས་ཚོད་བདུན་པ་ནས་བཅུ་པ་བར་ཉིན་གསུམ་རིང་སྤྱོད་ལམ་རྒྱུགས་བཞེས་ལེགས་པར་བསྐྱངས།
དེ་ཡང་སྡེ་ཚན་རྣམ་པ་ལྔའི་སྒོ་ནས་རྒྱུགས་བཞེས་མཛད་དེ་། སྡེ་ཚན་ལྔ་ནི་ཐོག་མར་ན་བཟའ་མནབ་ཚུལ། གཉིས་པར་ཕྱག་འཚལ་ཚུལ། གསུམ་པར་འགྲོ་འདུག་གཉིས། བཞི་པར་ན་བཟའ་ཇི་ལྟར་ལྟེབ་ཚུལ། ལྔ་པར་གྲངས་དང་དུས་ཏེ་རྣམ་པ་ལྔའི་སྒོ་ནས་རེ་རེ་བཞིན་གོང་གསལ་དགོན་ཁག་རྣམས་ཀྱི་རྒྱུགས་བཞེས་མཛད་དེ། ཐོག་མར་དགེ་སློང་རྣམས་ཀྱི་ཆོས་གོས་རྣམ་གསུམ་མནབ་ཚུལ་དང་ལྟེབ་ཚུལ། གདིང་བ་ཁ་སྒྱུར་ཚུལ། སྐུ་ཕྱག་འབུལ་ཚུལ། གསོལ་ཚིགས་བཞེས་ཚུལ། ཚོགས་སུ་ཕེབས་བཞུགས་མཛད་ཚུལ། དབུ་ཞྭ་མནབ་ཚུལ། རྒྱལ་བའི་བཀའ་འགྱུར་རིན་པོ་ཆེ་ཆོས་སྐོར་དུ་གདན་འདྲེན་སྐབས་གོམ་སྟབས་དལ་ལྷོད་ཇི་ལྟར་འདོར་ཚུལ་བཅས་ཀྱི་སྤྱོད་ལམ་རྒྱུགས་ བཞེས་ཡོངས་རྫོགས་རིམ་བཞིན་བཞེས། དེ་བཞིན་དགེ་སློང་རྣམས་ཀྱི་རྒྱུགས་བཞེས་གྲུབ་མཚམས་དགེ་ཚུལ་རྣམས་ཀྱི་སྤྱོད་ལམ་ཡང་ དེ་བཞིན་དུ་རེ་རེ་བཞིན་རྒྱུགས་བཞེས་མཛད། དེ་ཡང་དུས་ཡུན་མགྱོགས་བུལ་གྱི་ཚད་གཞི་ཆུ་ཚོད་ཀྱི་དུས་བཀག་ཐོག་གྲ་སྒྲིག་གང་ ལེགས་དང་ཚགས་ཚུད་ཚད་ལྡན་རྣམས་ལ་བཀའ་བརྒྱུད་སྨོན་ལམ་གྱི་ཉིན་མཐའ་མར་བྱ་དགའ་གསོལ་རས་སྩལ་རྒྱུའི་གཏན་འབེབས་ མཛད་པ་ལྟར་སྩལ་རྒྱུ་ཡིན། བསྟན་འཛིན་རྣམ་རྒྱལ་ནས།

20200129PM_Teaching on Meditation

Right-Column-Pics11.jpg

བཀའ་བརྒྱུད་སྨོན་ལམ་ཆེན་མོ་ཐེངས་སོ་དྲུག་པ།

Tibetan / English / Chinese •  FrenchGerman • IndonesianKorean • PolishRussianSpanish  • Vietnamese 

སྨོན་ལམ་གསུང་ཆོས།

བློ་སྦྱོང་དོན་བདུན་མའི་བཀའ་ཁྲིད། གོ་ཤྲི་རྒྱལ་ཚབ་རིན་པོ་ཆེ།
ཕྱི་ཟླ་ 1 ཚེས་ 28 ནས་ 30 བར། 2020 ལོ་