འབྲས་བུ་མཁའ་ལ་མདུང་བསྐོར་གསུམ་ནི། སྐུ་ལྔ་གདོད་ནས་རང་ཆས་དང་། །མྱོང་བའི་མངོན་དུ་འགྱུར་བ་དང་། །སངས་རྒྱས་འདོད་པ་ཟད་པ་གསུམ། །འབྲས་བུ་མཁའ་ལ་མདུང་བསྐོར་ཡིན། ཞེས་སྐུ་ལྔའམ་ཡེ་ཤེས་ལྔ་ནི། གཞན་ལས་བཙལ་མི་དགོས་པ་རང་ཆས་སུ་ཡོད་པ། རང་ཆས་ཞེས་པའི་ཚིག་གི་ནུས་པ་ནི། རང་བཞིན་ཉིད་ཀྱིས་རང་དང་ཐ་མི་དད་པ་ཡོད་པ། རང་ཆས་སུ་ཡོད་པས་མི་ཕན། ཉམས་སུ་ལེན་དགོས་པ། མྱོང་བས་མངོན་དུ་འགྱུར་དགོས། དེས་ན་སངས་རྒྱས་འཐོབ་འདོད་པའམ་རེ་བ་ཟད་པ་ཡིན་ཞེས་སོ།
༡༽ རྒྱུད་ལ་སྦྱར་ཚུལ་བཤད་པ། ཀྱེ་མ། འཇིག་རྟེན་ཆོས་ལ་ལེགས་རྟོགས་དང་། །རྟག་མི་ཐུབ་སྟེ་སྒྱུ་མ་རྨི་ལམ་འདྲ། །རྨི་ལམ་སྒྱུ་མ་དོན་ལ་ཡོད་མ་ཡིན། །དེས་ན་སྐྱོ་བ་སྐྱེད་ལ་འཇིག་རྟེན་བྱ་བ་ཐོངས། །འཁོར་ཡུལ་ཆགས་སྡང་འབྲེལ་བ་ཀུན་གཅོད་ལ། །གཅིག་པུར་ནགས་ཀྱི་འདབས་སམ་རི་ཁྲོད་སྒོམས། །སྒོམ་དུ་མེད་པའི་ངང་ལ་གནས་པར་གྱིས། ཞེས་པ་སྟེ། འཇིག་རྟེན་ཆོས་ལ་ལེགས་པར་རྟོགས་ན། རྟག་ཐུབ་པ་མི་གནས་ཏེ། རྨི་ལམ་སྒྱུ་མ་འདྲ་བ་སྣང་ཙམ་ལས་དོན་ལ་མེད་པ། དཔེར་ན། སྐར་མ་རབ་རིབ་མར་མེ་དང་། །སྒྱུ་མ་ཟིལ་པ་ཆུ་བུར་དང་། །རྨི་ལམ་གློག་དང་སྤྲིན་ལྟ་བུར། །འདུས་བྱས་ཆོས་རྣམས་དེ་ལྟར་ལྟ། ཞེས་གསུངས་པ་བཞིན། དེས་ན་སྐྱོ་བ་སྐྱེད་པ། ཞེན་ལོག །རྡོ་རྗེ་འཆང་ཐུང་མར། ཞེན་ལོག་སྒོམ་གྱི་རྐང་པར་གསུངས་པ་བཞིན། །ཟས་ནོར་ཀུན་ལ་ཆགས་ཞེན་མེད་པ་དང་། ཚེ་འདིའི་གདོས་ཐག་ཆོད་པའི་སྒོམ་ཆེན་ལ། །རྙེད་བཀུར་ཞེན་པ་མེད་པར་བྱིན་གྱིས་རློབས་ཞེས། ཐུན་མོང་སྐབས་ལའང་འཁོར་བའི་ཆོས་ལ་ཞེན་པ་མ་ལོག་ན་ཆོས་པ་ཆགས་མི་ནུས། རྗེ་བཙུན་ས་སྐྱ་པར་བླ་མ་འཇམ་དཔའི་དབྱངས་ཀྱིས་གདམས་པ་ལས། ཚེ་འདི་ལ་ཞེན་ན་ཆོས་པ་མིན། །འཁོར་བ་ལ་ཞེན་ན་ངེས་འབྱུང་མིན། བདག་དོན་ལ་ཞེན་ན་བྱང་སེམས་མིན། །འཛིན་པ་བྱུང་ན་ལྟ་བ་མིན་ཞེས། འཇིག་རྟེན་བྱ་བ་ཅི་ཕྱིར་ཐོངས་དགོས་ཞེ་ན། དེ་དམིགས་ཡུལ་བྱས་ནས་འཁོར་བའི་སྡུག་བསྔལ་རྒྱུན་མི་ཆད་པ་འབྱུང་བས་སོ། བླ་མའི་རྣལ་འབྱོར་ཀྱི་ཉམས་ལེན་མཐར་ཐུག་དེ་བླ་མའི་ཐུགས་དང་རང་སེམས་དབྱེར་མེད་ འདྲེས་དགོས།
༢༽སྒོམ་དུ་མེད་པའི་ངང་ལ་གནས་པའི་ཕན་ཡོན་ནི། རྩ་བར། ཐོབ་མེད་ཐོབ་ན་ཕྱག་རྒྱ་ཆེན་པོ་ཐོབ། །དཔེར་ན་ལྗོན་ཤིང་སྡོང་པོ་ཡལ་ག་ལོ་འདབ་རྒྱས། །རྩ་བ་གཅིག་བཅད་ཡལ་ག་ཁྲི་འབུམ་སྐམ། །དེ་བཞིན་སེམས་ཀྱི་རྩ་བ་བཅད་ན་འཁོར་བའི་ལོ་ འདབ་བསྐམ། །དཔེར་ན་བསྐལ་པ་སྟོང་དུ་བསགས་པའི་མུན་པ་ཡང་། །སྒྲོན་མེ་གཅིག་གིས་མུན་པའི་ཚོགས་རྣམས་སེལ། །དེ་བཞིན་རང་སེམས་འོད་གསལ་སྐད་ཅིག་གིས། །བསྐལ་ པར་བསགས་པའི་མ་རིག་སྡིག་སྒྲིབ་སེལ། ཞེས་པ་སྟེ། ལྗོན་ཤིང་རྩ་བ་བཅད་པས། ཡལ་ག་ཤུགས་ཀྱིས་བསྐམ་པ་དེ་བཞིན་དུ་སེམས་ཀྱི་རྩ་བ་བཅད་ན། འཁོར་བའི་ལོ་འདབ་ཆགས་སོགས་ཉོན་མོངས་བའི་རྣམ་རྟོག་ཤུགས་ཀྱི་བསྐམ་ཐུབ་པ། བསྐལ་པ་སྟོང་དུ་བསགས་པའི་མུན་པ་ཡང་། སྒྲོན་མེ་གཅིག་གིས་སེལ་ནུས་པ། དེ་བཞིན་གདོད་ནས་ལྷན་ཅིག་སྐྱེས་པའི་འོད་གསལ་དེ་མངོན་དུ་གྱུར་པའམ། མཐོང་ན། བསྐལ་པ་ཚེ་རབས་ནས་བསགས་པའི་སྡིག་སྒྲིབ་ཐམས་ཅད་སྐད་ཅིག་ཅིག་ལ་ལྷག་མ་མེད་ པར་བསྲེགས་ནུས་སོ། དེའི་ཕྱིར་སྡིག་སྒྲིབ་སྦྱོང་བའི་ཐབས་ཟབ་ཤོས་དེ་ཡིན།
ཆོས་ཐུན་གཉིས་པ། ཀྱེ་ཧོ། བློ་ཡི་ཆོས་ཀྱིས་བློ་འདས་དོན་མི་མཐོང་། །བྱས་པའི་ཆོས་ཀྱིས་བྱར་མེད་དོན་མི་ རྟོགས། །བློ་འདས་བྱར་མེད་དོན་དེ་ཐོབ་འདོད་ན། །རང་སེམས་རྩ་བ་ཆོད་ལ་རིག་པ་གཅེར་བུར་ཞོག ། རྟོག་པ་དྲིི་མའི་ཆུ་དེ་དྭངས་སུ་ཆུག །སྣང་བ་དགག་སྒྲུབ་མི་བྱ་རང་སར་ཞོག ། སྤོང་ལེན་མེད་ན་སྣང་སྲིད་ཕྱག་རྒྱར་གྲོལ། །ཀུན་གཞི་སྐྱེ་བ་མེད་པས་བག་ཆགས་སྒྲིབ་ གཡོག་སངས། ། སྙེམས་བྱེད་རྩིས་གདབ་མི་བྱ་སྐྱེ་མེད་སྙིང་པོར་ཞོག །སྣང་བ་རང་སྣང་ བློ་ཡི་ཆོས་རྣམས་ཟད་དུ་ཆུག །ཅེས་པ་སྟེ། ཚོགས་དྲུག་བཅོས་ལྷད་མེད་པའི་ཐོག་ནས་ཉམས་ལེན་བྱེད་དགོས་ཞེས། སྤྱོད་འཇུག་ལས། དོན་དམ་བློ་ཡི་སྤྱོད་ཡུལ་མིན། །བློ་ནི་ཀུན་རྫོབ་ཡིན་པར་འདོད། ཅེས་ཀུན་རྟོག་འདུ་བྱེད་སྣ་ཚོགས་པས་དྲངས་པ་བྱས་པའི་ཆོས་ཀྱིས་བྱར་མེད་དོན་མི་རྟོགས་ཞེས། རྗེ་མི་ལས། ཁྱོད་འགྲོ་ན་སྣང་བ་ལམ་དུ་འཁྱེར། །ཚོགས་དྲུག་རང་གྲོལ་གྱི་འགྲོ་ལུགས་ཡིན། །སྡོད་ན་མ་བཅོས་རྣལ་མར་སྡོད། །སྙིང་པོ་དོན་གྱི་སྡོད་ལུགས་ཡིན། །ཉལ་ན་མཉམ་ཉིད་ངང་དུ་ཉལ། ། འོད་གསལ་ངང་དུ་ཉལ་ལུགས་ཡིན་ཞེས། རང་སེམས་རྩ་བ་ཆོད་ཅེ་ན། ཞེན་འཛིན་ཆོད་ཅེས། གཅེར་བུ་ནི། སྒྲིབ་བྱེད་དང་། ཆེད་འཛིན་མེད་པ། སྙེམས་བྱེད་ནི། འཛིན་པ་ཕྲ་མོར་གོ ། རྩ་བར། མུ་མཐའ་ཡོངས་གྲོལ་ལྟ་བའི་རྒྱལ་པོ་མཆོག །མུ་མེད་གཏིང་ཡངས་སྒོམ་པའི་རྒྱལ་པོ་མཆོག །མཐའ་ཆོད་ཕྱོགས་བྲལ་སྤྱོད་པའི་རྒྱལ་པོ་མཆོག །རེ་མེད་རང་གནས་འབྲས་བུའི་མཆོག་ཡིན་ནོ། ཞེས་པ་སྟེ། མུ་མཐའ་ཡོངས་གྲོལ་ལྟ་བ། མུ་མེད་གཏིང་ཡངས་སྒོམ་པ། མཐའ་ཆོད་ཕྱོགས་བྲལ་སྤྱོད་པ། རེ་མེད་རང་གནས་འབྲས་བུ་ཡིན། རྗེ་མི་ལས། ལྟ་སྒོམ་སྤྱོད་གསུམ་གྱི་སྡོམ་བསྐྱོན་སྐབས། ཁྱོད་ལྟ་བ་བློ་འདས་ཀྱི་དོན་ལ་ལྟོས། །སྒོམ་པ་ཡེངས་མེད་ཀྱི་ངང་དུ་སྐྱོང་། །སྤྱོད་པ་ཤུགས་ བྱུང་འགག་མེད་སྐྱོང་། །འབྲས་བུ་རེ་དོགས་ཐ་སྙད་སྤོང་ཞེས། ༢༽ཉམས་ཤར་ཚུལ་བཤད་པ། རྩ་བར། ལས་ནི་དང་པོ་གཅོང་རོང་ཆུ་དང་འདྲ། །བར་དུ་ཆུ་བོ་གངྒཱ་དལ་གྱིས་འབབ། །ཐ་མ་ཆུ་རྣམས་མ་བུ་འཕྲད་པ་བཞིན། ཞེས་པ་སྟེ། ལས་དང་པོ་པའི་མཉམ་གཞག་གི་ཚོར་བ་རྟོག་པ་ཤིན་ཏུ་གཡོ་བ་དྲག་པོ་གཅོང་རོང་གི་ཆུ་ལྟ་བུ་ཡོང་། བར་དུ་མཉམ་གཞག་ལ་གཏན་པ་ཅུང་ཟད་ཐོབ་པས་ཆུ་བོ་གངྒཱ་ལྟར་དལ་གྱི་འབབ་པ། འོད་གསལ་མ་བུ་འདྲེས་པའི་སྐབས་སུ་ཆུ་རྣམས་མ་བུ་འཕྲད་པ་ལྟ་བུ། སྒོམ་གཏན་པ་མཐར་ཕྱིན་པ། རྟོག་ཚོགས་ཐམས་ཅད་རང་རིག་ངང་དུ་འབྱམས་པས། ཅི་སྣང་ཅི་ཤར་ཐམས་ཅད་རོལ་པ་འགག་མེད་དུ་འགྱུར། སྒོམ་གྱི་བོགས་འདོན་དུ་འགྱུར། རྫིང་ལས་འཕུར་བའི་བྱ་རོག་བཞིན། གཉིས་མེད་ཀྱི་རིག་པ་གཏན་དང་འཕྲལ་ནས། ཁྱབ་པར་སྐྱོང་དུས་རྣམ་རྟོག་རང་ཤར། གེགས་སེལ་དེ་ད་ལྟར་བཤད་མི་རུང་། རྡོ་རྗེའི་མན་ངག་རྫོགས་པ་མཇུག་གི་དོན་ནི། རྩ་བར། ཕྱག་རྒྱ་ཆེན་པོ་གནད་ཀྱི་མན་ངག་འདི། །འགྲོ་བ་སྐལ་ལྡན་སྙིང་ལ་གནས་པར་ཤོག །ཅེས་པ་སྟེ། ཕྱག་རྒྱ་ཆེན་པོའི་མན་ངག་གི་བཅུད། སྙིང་པོ། ཏཻ་ལོ་པས་མངོན་དུ་བྱེད་རྒྱུའི་ཆོས་དེ། མ་འདས། མ་བསྒྲིབས་པ། གསལ་བར་དཔལ་ནཱ་རོ་པ་ལ་བསྟན་པ་རེད། ཀྱེ་ཧོ་དེ་ནི་རང་རིག་ཡེ་ཤེས་ཏེ། །ངག་གི་ལམ་དང་ཡིད་ཀྱི་སྤྱོད་ཡུལ་མིན། །ཏཻ་ལོ་ང་ལ་ཅི་ ཡང་བསྟན་དུ་མེད། །རང་གིས་རང་ཉིད་མཐོང་ན་གྲོལ་བར་འགྱུར་ཞེས། ཡང་དག་ཉིད་ལ་ཡང་དག་བལྟ། ཡང་དག་མཐོང་ན་རྣམ་པར་གྲོལ། ཞེས་པ་ལྟ་བུ། གནས་ལུགས་རང་གིས་མཐོང་ནས་གྲོལ་དགོས་པར་བསྟན་པ་ཡིན། འགྲོ་བ་སྐལ་ལྡན་ནི། དཀའ་བ་སྤྱད། བླ་མ་ལ་གུས་པ། སྡུག་བསྔལ་བཟོད་ལྡན། བློ་ལྡན་སོགས་ཀྱི་ཡོན་ཏན་བཞི་ལྡན་དེའོ། ཕྱག་རྒྱ་ཆེན་པོ་གྲུབ་པ་དཔལ་ཏཻ་ལོ་པའི་ཞལ་སྔ་ནས་ཀྱིས་ཁ་ཆེའི་པཎྜི་ཏ་ནཱ་རོ་པ་ལ་དཀའ་བ་བཅུ་གཉིས་སྤྱད་པའི་མཐར་ཆུ་བོ་གངྒཱའི་འགྲམ་དུ་གསུངས་པ་ཕྱག་རྒྱ་ཆེན་པོ་རྡོ་རྗེའི་ཚིག་ རྐང་ཉི་ཤུ་པ་རྫོགས་སོ།། །།པཎྜི་ཏ་དེ་ཉིད་ཀྱི་ཞལ་སྔ་ནས་དང་བོད་ཀྱི་ལོ་ཙཱ་བ་ཆེན་པོ་མར་ པ་ཆོས་ཀྱི་བློ་གྲོས་ཀྱིས་བྱང་པུཥྤ་ཧ་རིར་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།
བསོད་ནམས་དབང་རྒྱལ་ནས་ཕབ། 