ཕྱི་ལོ་ ༢༠༢༠ ཟླ་བ་དང་པོའི་ཚེས་ ༢༨ ཉིན། བཀའ་བརྒྱུད་སྨོན་ལམ་ཆོས་ར། གནས་མཆོག་རྡོ་རྗེ་གདན།
རྒྱལ་ཡོངས་བཀའ་བརྒྱུད་སྨོན་ལམ་ཐེབས་རྩ་ཚོགས་པའི་གོ་སྒྲིག་འོག་ཀཾ་ཚང་བཙུན་དགོན་ཁག་ནས་ཕེབས་པའི་ བཙུན་མ་ཞལ་གྲངས་བཅུ་བདུན་ནས། འདི་ལོ་སྤོས་བཟོའི་ལས་འགུལ་ཐེངས་གསུམ་པའི་སྦྱོང་བརྡར་ཚན་པའི་ནང་ མཉམ་ཞུགས་མཛད་ཡོད། ལས་འཆར་འདི་ཉིད་ཐོག་མར་དཔལ་༸རྒྱལ་དབང་ཀརྨ་པ་མཆོག་ནས་བཀའ་དགོངས་ ལམ་སྟོན་མཛད་པ་ལྟར། ད་ལྟ་སྒྲུབ་དཔོན་བདེ་ཆེན་རིན་པོ་ཆེ་ནས་གཟིགས་སྐྱོང་གི་ཐུགས་ཁུར་བཞེས་བཞིན་པ་ཡིན། སྦྱོང་བརྡར་ཚན་པ་འདིར་ལྷ་རྗེ་ཟླ་བ་ལགས་ནས་ལམ་སྟོན་སློབ་སྤེལ་སྐྱོང་བཞིན་པ་དང་། དེ་བཞིན་ཁོང་གི་ཕྱག་རོགས་ཐེ་ཝན་ནས་ཡིན་པའི་རྒྱའི་སྤོས་བཟོའི་ལག་རྩལ་ལ་རབ་ཏུ་བྱང་བའི་ལྕམ་ཅིའུ་ཇུ་ཡི་ལགས་ དང་། གཞན་ཡང་ཇོ་མོ་བྱང་ཆུབ་སྒྲོལ་མ་ལགས་ནས་རྒྱའི་གསུང་བསྒྱུར་དང་སྦྲགས་བཙུན་མ་རྣམས་ཀྱི་སྣེ་འཁྲིད་སོགས་ ལས་གཞིའི་ནང་མཉམ་ཞུགས་གནང་ཡོད། སྤོས་བཟོ་བ་རྣམས་ནས་རྫས་སྦྱོར་ཁག་གནའ་བོའི་ལམ་སྲོལ་གྱི་ཐབས་ལམ་ ཁག་གཙོ་འདོན་གྱིས་ཕྱག་ལེན་སྐྱོང་བཞིན་ཡོད།
༡) བཙུན་མ་རྣམ་པའི་བརྙན་པར།.
༢) ལྷ་རྗེ་ཟླ་བ་ལགས་ནས་དངོས་རིགས་རྩ་ཆེ་ཁག་དང་རྫས་སྦྱོར་རྣམས་ཇི་ལྟར་བསྣུར་ཚུལ་གྱི་ལམ་སྟོན་མཛད་བཞིན་པ།
༣) བཙུན་མ་རྣམ་པས་ཐུགས་སྣང་ཆེན་པོས་གསན་གཟིགས་མཛད་བཞིན་པ།
༤) གནའ་སྲོལ་གྱི་སྨན་བསྣུར་བའི་ཡས་གཏུན་དང་མས་གཏུན།
༥) སྤོས་བཟོའི་ཡོ་བྱད་ཁག་གོ་སྒྲིག་བགྱིད་བཞིན་པ།
༦) སྤོས་རྫས་སྣུར་བའི་གཏུན་བུ་གོ་སྒྲིག་བགྱིད་བཞིན་པ།
༧) བདུག་སྤོས་སྐྲུན་པའི་རྫས་སྦྱོར་ཕྱེ་མ་འཚག་ཕྱིར་ཀུན་ལ་བགོ་འགྲེམས་མཛད་བཞིན་པ།
༨) གློག་གི་སྣུར་འཕྲུལ་སྤྱོད་བཞིན་པ།
༩) སྤོས་ཀྱི་རྫས་སྦྱོར་འཐག་རྗེས་ཁྲོལ་འཚག་ནང་ལྡུག་བཞིན་པ།
༡༠) འཚག་བཞིན་པ།
༡༡) སྤོས་བཟོའི་འཕྲུལ་སྦུབས་ལས་སྤོས་རྐང་སྲད་བུ་ལྟར་འཐོན་བཞིན་པ།
༡༢) སྤོས་རྐང་རྣམས་ཆ་གསུམ་དུ་བགོས་ཏེ་ཤིང་གཞོང་ནང་གྲལ་བསྒྲིགས་ཏེ་འཇོག་བཞིན་པ།
༡༣) སྤོས་སྐམ་པའི་གཞོང་སྟེང་དུ་སྤོས་རྐང་རྣམས་རེ་རེ་བཞིན་སྤོ་བཞིན་པ།
༡༤) མཁན་ཆེན་བློ་གྲོས་དོན་ཡོད་རིན་པོ་ཆེ་མཆོག་སྤོས་བཟོ་ཚན་པར་གཟིགས་ཞིབ་སྐྱོང་བཞིན་པ།
༡༥) མཁན་ཆེན་བློ་གྲོས་དོན་ཡོད་རིན་པོ་ཆེ་མཆོག་ནས་རྟེན་མཚོན་ཕྱིར་སྤོས་ཕྱེ་གཏུན་སྟེང་དུ་སྣུར་བར་མཛད་བཞིན་པ།
༡༦) མཁན་ཆེན་རིན་པོ་ཆེ་མཆོག་ནས་སྤོས་ཀྱི་རྫས་སྦྱོར་ཁག་སྣུར་བར་མཛད་བཞིན་པ།
༡༧) མཁན་ཆེན་རིན་པོ་ཆེ་མཆོག་ནས་རྩོལ་བ་ཆེན་པོས་སྤོས་རྫས་སྣུར་བའི་ཕྱག་ལས་ལ་བརྩོན་པར་མཛད་བཞིན་པ།