༸སྐྱབས་རྗེ་རྒྱལ་ཚབ་རིན་པོ་ཆེ་ནས་དབུ་ཞྭ་མཐོང་གྲོལ་རིན་པོ་ཆེའི་མཇལ་ཁ་སྩལ་བ།

དཔལ་༸རྒྱལ་དབང་ཀརྨ་པ་མཆོག་ནས་བཀའ་སྩལ་ཕེབས་དོན་ལྟར་སྐྱབས་རྗེ་རྒྱལ་ཚབ་རིན་པོ་ཆེ་ནས་འདི་ལོ་བཀའ་བརྒྱུད་སྨོན་ལམ་གྱི་མཛད་རིམ་འཕར་མའི་སྐབས་དབུ་ཞྭ་མཐོང་གྲོལ་རིན་པོ་ཆེའི་མཇལ་ཁ་སྩལ་རྒྱུའི་ཞལ་བཞེས་ཐོབ།

 

འདི་ཉིད་དམིགས་བསལ་ལོ་རྒྱུས་ཀྱི་འགངས་དང་ལྡན་པ་ཞིག་སྟེ། དེ་ཡང་བདག་ཅག་གི་སྟོན་པ་མངོན་པར་རྫོགས་པ་སངས་རྒྱས་པའི་གནས་མཆོག་རྡོར་གདན་དུ་དབུ་ཞྭའི་འཇལ་ཁ་སྩལ་བ་ཐེངས་དང་པོ་ཡིན།

 

དཔལ་༸རྒྱལ་དབང་ཀརྨ་པ་མཆོག་ནས་ཀྱང་སྐུ་ཕྲེང་ན་རིམ་གྱི་ལམ་སྲོལ་བཞིན་དམིགས་བསལ་ལས་ཞུ་མནབས།

 

ཀརྨ་པ་སྐུ་ཕྲེང་གཉིས་པ་ཀརྨ་པཀྵིས་སྐྱེས་བུ་གང་ཞིག་གིས་དབུ་ཞྭ་དེ་ཉིད་མཇལ་བ་ཙམ་གྱིས་ངན་སོང་དུ་མི་ལྟུང་བར་གསུངས།

 

མཇུག་ཏུ་༸རྒྱལ་དབང་ཀརྨ་པ་སྐུ་ཕྲེང་ན་རིམ་ནས་སྐྱབས་རྗེ་ཞྭ་དམར་རིན་པོ་ཆེ་དང། སྐྱབས་རྗེ་སི་ཏུ་རིན་པོ་ཆེ། སྐྱབས་རྗེ་རྒྱལ་ཚབ་རིན་པོ་ཆེ་རྣམ་གསུམ་ལ་ཞྭ་དམར་གྱི་ཅོད་པན་སྩལ།

 

དབུ་ཞྭའི་མཇལ་ཁ་དེ་ཉིད་སྒྲུབ་བརྒྱུད་ཀརྨ་ཀཾ་ཚང་ནང་ཐུན་མིན་གལ་ཆེའི་མཛད་རིམ་ཞིག་ཡིན།

 

དབུ་ཞྭ་མཐོང་གྲོལ་མཇལ་བས་རིམ་གྱིས་གྲོལ་བ་ཐོབ་པར་གླེང་།

 

དབུ་ཞྭ་མཇལ་བ་ཙམ་གྱིས་འཕྲལ་དུ་གྲོལ་བ་ཐོབ་པའི་དོན་མིན་པར། འདི་ཉིད་མཇལ་བ་ཙམ་གྱིས་སྐྱེས་བུ་གང་ཞིག་གི་རྒྱུད་ལ་འབྱུང་འགྱུར་ཐར་པའི་ས་བོན་སྐྲུན་པར་བྱེད་མོད།

 

དབུ་ཞྭ་མཇལ་སྐབས་སེམས་ཀྱི་རང་གཤིས་འགྱུར་བ་མེད་པར་བརྟན་པར་བཟུང་སྟེ་བྱམས་སྙིང་རྗེ་བྱང་ཆུབ་ཀྱི་སེམས་ལ་བློ་རྩེ་གཅིག་ཏུ་གཏད་དགོས་པ་ཡིན།

 

 

 

Right-Column-Pics36.jpg

བཀའ་བརྒྱུད་སྨོན་ལམ་ཆེན་མོ་ཐེངས་སོ་དྲུག་པ།

Tibetan / English / Chinese •  FrenchGerman • IndonesianKorean • PolishRussianSpanish  • Vietnamese 

སྨོན་ལམ་གསུང་ཆོས།

བློ་སྦྱོང་དོན་བདུན་མའི་བཀའ་ཁྲིད། གོ་ཤྲི་རྒྱལ་ཚབ་རིན་པོ་ཆེ།
ཕྱི་ཟླ་ 1 ཚེས་ 28 ནས་ 30 བར། 2020 ལོ་